«Нарачанская зара» нядаўна расказвала пра гэты выпадак — калі супрацоўнікі Мядзельскага і Вілейскага аддзяленняў Дэпартамента аховы ехалі з вучэбна-метадычнага збору і прыйшлі на дапамогу жанчыне, легкавік якой з’ехаў у кювет у Барысаўскім раёне.
Жыхарка Барысава шчыра падзякавала супрацоўнікам і на словах, і яшчэ падзячны ліст напісала.
А сёння начальнік Мінскага абласнога ўпраўлення Дэпартамента аховы Алег Царук завітаў у Мядзел і ўручыў каштоўныя падарункі старшаму інспектару-інжынеру групы сродкаў і сістэм аховы Максіму Чарняўскаму, памочніку камандзіра ўзвода Канстанціну Назаркіну, міліцыянерам узвода міліцыі Дзмітрый Біцэру і Дзянісу Чарняўскаму.