У АДПАВЕДНАСЦІ з распараджэннем старшыні райвыканкама з мэтай найбольш поўнага забеспячэння насельніцтва прадукцыяй мясаперапрацоўчай і малочнай галіны, харчовымі таварамі, кандытарскімі і кулінарнымі вырабамі, прамысловымі таварамі, ёлачнымі ўпрыгожваннямі, сувенірамі, падарункавымі наборамі святочнага асартыменту, вырабамі майстроў народнай творчасці ў суботу і нядзелю прайшлі калядныя кірмашы ў Мядзеле і курортным пасёлку Нарач.
У Мядзеле на рынку ішоў звычайны гандаль, як і кожную суботу. Людзі куплялі прадукты харчавання, прамысловыя тавары, і, зразумела, калядныя і навагоднія падарункі для сяброў і знаёмых, блізкіх і родных людзей.
А вось музыка, якая разлівалася па плошчы Шаранговіча, вывеска “Калядны кірмаш” над уваходам у раённы Цэнтр культуры вабілі людзей. Многіх цікавіла, што за кірмаш, што тут прадаюць. А паглядзець, падзівіцца і сапраўды было з чаго.
ПАДОБНЫ Калядны кірмаш разгарнуўся ў нядзелю ў будынку Нарацкага Цэнтра культуры і вольнага часу.
У Мядзеле такія кірмашы яшчэ пройдуць 21, 28 снежня і 4 студзеня, а ў курортным пасёлку Нарач — 22, 29 снежня і 5 студзеня. Акрамя гэтага, прадстаўнікі Мядзельшчыны прымуць удзел у рэгіянальных кірамашах: у Маладзечне — 21 снежня, у Вілейцы — 28 снежня.
Цалкам матэрыял чытайце ў нумары «Нарачанскай зары» за сераду.
Ігнат ЛУБНЕЎСКІ, фота аўтара.