Дабрачынная акцыя «Ад шчырага сэрца! Міншчына — клапатлівая!» праводзіцца ў рамках святкавання 85-годдзя Мінскай вобласці. Аб’яўлена яна старшынёй аблвыканкама Аляксандрам Турчыным.
У раёнах вобласці вырабілі вялікія тарты, якія 20 студзеня даставілі ва ўстановы сацыяльнага абслугоўвання і адукацыі, дзе пражываюць пажылыя, людзі з інваліднасцю, а таксама дзеці-сіроты і тыя, хто застаўся без апекі бацькоў.
У нашым раёне тарты прывезлі ў аддзяленне кругласутачнага знаходжання грамадзян пажылога ўзросту і інвалідаў у вёсцы Вузла і Свірскі псіханеўралагічны дом-інтэрнат для састарэлых і інвалідаў.
Перадалі тарты кіраўнікам устаноў з добрымі пажаданнямі начальнік упраўлення па працы, занятасці і сацыяльнай абароне райвыканкама Таццяна Пруднікава і дырэктар Мядзельскага ТЦСАН Людміла Танана.
Так што, пражываючых у Вузле чакаў смачны дадатак да падвячорку, а ў Свірскім Доме-інтэрнаце — да вячэры.
А яшчэ ў Доме-інтэрнаце работнікі Свірскага СДК падрыхтавалі канцэртную праграму да юбілею вобласці.