З 1 СТУДЗЕНЯ бягучага года змяніліся форма і парадак выдачы пасведчання мнага­дзетнай сям’і.

У новай форме пасведчання павялічана колькасць старонак для ўнясення даных пра дзяцей і аб падаўжэнні тэрміну дзеяння дакумента. Затое адменена запаўненне звестак пра месца жыхарства.

Сярод асноўных новаўвядзенняў — права мнагадзетнай сям’і атрымаць пасведчанне па месцы фактычнага жыхарства незалежна ад месца рэгістрацыі ў Рэспубліцы Беларусь. Таксама ўдакладнены парадак вызначэння складу сям’і. Пачынаючы з гэтага года будуць улічвацца маці (мачаха), бацька (айчым), усынавіцель (удачарыцель), а таксама дзеці да 18 год, якія выхоўваюцца ў сям’і (уключаючы ўсыноўленых і ўдачароных, пасынкаў і падчарыц). Пры гэтым член сям’і, які ўлічаны пры выдачы пасведчання ў складзе адной сям’і, можа ўлічвацца ў складзе другой толькі пасля выключэння яго са складу сям’і ў раней выдадзеным пасведчанні.

З 2021 года права на выдачу пасведчання мае мнагадзетная сям’я, якая пастаянна жыве ў Рэспубліцы Беларусь. Гэта ўмова цяпер прымяняецца і адносна дзяцей, якія ўлічваюцца ў складзе сям’і, і да кагосьці аднаго — мужа ці жонкі (калі сям’я поўная).

Новым заканадаўствам зацверджаны спіс дакументаў, на падставе якіх выдаецца пасведчанне. Атрымліваючы новае пасведчанне, заяўніку неабходна прыкласці да заявы раней выда­дзены дакумент.

Акрамя таго, сем’ям даецца права выбару: атрымліваць новае пасведчанне альбо ўносіць змяненні ў існуючае. Напрыклад, новыя даныя аб складзе сям’і, змяненні прозвішча, датах нараджэння членаў сям’і і гэтак далей.

Пасведчанні, якія выдадзены мнагадзетным сем’ям да 1 студзеня бягучага года, будуць сапраўднымі і абменьваць іх непатрэбна.

Наконт заявы аб выдачы пасведчання мнагадзетнай сям’і неабходна звяртацца ў райвыканкам у службу “адно акно”, якая знаходзіцца па адрасе: г. Мядзел, плошча Леніна, д. 1, каб. 15. Можна атрымаць кансультацыю і па тэлефонах — 55-6-95, 55-9-61.

Таццяна КАЛАМІЕЦ, галоўны спецыяліст сектара матэрыяльна-бытавога забеспячэння і гендарных праблем упраўлення па працы, занятасці і сацыяльнай абароне райвыканкама.

 

 

Фота ілюстрацыйнае, з адкрытых інтэрнэт-крыніц