Ля Мядзела адбыўся мітынг, прысвечаны Міжнароднаму дню вызвалення вязняў фашысцкіх канцлагераў

На Мядзельшчыне на беразе возера Баторына каля брацкай магілы ахвяр нацызму яўрэйскай нацыянальнасці адбыўся мітынг, прысвечаны Міжнароднаму дню вызвалення вязняў фашысцкіх канцлагераў, які адзначаецца ва ўсім свеце 11 красавіка.

На гэтым месцы 21 верасня 1942 года немцы расстралялі 60 жыхароў Мядзела — старых, жанчын, дзяцей. Удзельнікі мітынгу ўшанавалі памяць ахвяр фашызму мінутай маўчання.