Дэлегацыя Італьянскага Чырвонага Крыжа 19 лістапада наведала НДЦ «Зубраня». Прадстаўляла яна рэгіён Марке. У складзе дэлегацыі былі старшыня Італьянскага Чырвонага Крыжа ў гэтым рэгіёне Фабіа Чэкконі, каардынатар па пытаннях арганізацыі і супрацоўніцтва, прадстаўнік валанцёрскіх арганізацый дапамогі дзецям у Чарнобыльскай зоне Эміліа Ваккароні, супрацоўнік аддзялення Італьянскага Чырвонага Крыжа Каміла Гільяні. Таксама завіталі прадстаўнікі Мінскай абласной арганізацыі Беларускага Таварыства Чырвонага Крыжа і Мядзельскага райвыканкама.
Госці пазнаёміліся з умовамі для адпачынку і аздараўлення дзяцей у цэнтры. Адбылася сустрэча за круглым сталом з удзельнікамі змены «Свет для людзей». Юныя валанцёры з розных куткоў краіны расказалі пра свае добрыя справы: дапамогу пажылым, інвалідам, дзецям з анкалагічнымі захворваннямі, бяздомным жывёлам, экалагічныя праекты.
Падрабязна пра гэта чытайце ў адным з бліжэйшых нумароў «Нарачанскай зары»