У Занарачы ўрачыста адкрылі новы будынак школы (фота)

У Занарацкай сярэдняй школе 9 лістапада адбылося адкрыццё новага будынка ўстановы. Удзел у цырымоніі прынялі старшыні Мінаблвыканкама Аляксандр Турчын, райвыканкама Анатолій Вайнілка, начальнік галоўнага ўпраўлення па адукацыі Мінаблвыканкама Мікалай Башко.

Старшыню абласнога выканаўчага камітэта сустрэлі вучні і педкалектыў. Затым усе разам прайшлі да новага будынка, дзе адзінаццацікласнік Максім Зімніцкі, трэцякласніца Валянціна Мароз і Аляксандр Турчын урачыста перарэзалі стужачку.

Падарункам школе стаў сертыфікат на набыццё сучаснай цяпліцы, які ўручыў дырэктару ўстановы адукацыі старшыня Мінаблвыканкама.

Потым адбылася экскурсія па новым будынку школы.