30 снежня ў Мядзельскім фізкультурна-аздараўленчым цэнтры адбылося спартыўна-забаўляльнае свята “Навагодні перапалох”.
— Удзел у свяце прымаюць пятнаццаць каманд устаноў адукацыі і яслі-сада №4 г. Мядзела, — расказвае намеснік начальніка ўпраўлення па адукацыі, спорце і турызме райвыканкама Святлана Кундра. — Кожнай камандзе належыць прадставіць на суд журы і шматлікіх гледачоў-удзельнікаў мерапрыемства забаўляльную праграму працягласцю да дзесяці мінут.
Кожную каманду ўзначальваюць Дзед Мароз і Снягурка, а ўдзельнікі — розныя казачныя персанажы. Пасля заканчэнні праграмы арганізатары мерапрыемства ўручаюць Дзеду Марозу і Снягурцы сертыфікат на набыццё спартыўнага інвентару для навучальнай установы або цацак для садка.
Падрабязна пра гэта чытайце ў адным з бліжэйшых нумароў «Нарачанскай зары»