У Будслаўскай сярэдняй школе імя Паўліны Мядзёлкі 1 лістапада ў рамках прафілактычнай акцыі «Маё жыццё» прайшло раённае спартыўна-масавае мерапрыемства «Вуліца без алкаголю». Удзельнічалі ў ім вучні гэтай установы, а таксама з Крывіцкага ВПК дзіцячы сад-сярэдняя школа і Крывіцкага спецыяльнага лячэбна-выхаваўчага прафесіянальна-тэхнічнага вучылішча закрытага тыпу. Яны паказалі выступленні па прафілактыцы шкодных звычак і за здаровы лад жыцця.
Свае таленты прадэманстравалі выхаванцы Будслаўскай дзіцячай музычнай школы мастацтваў. Працавалі інтэрактыўныя пляцоўкі, а напрыканцы адбылася спартландыя.
Фота Аляксандра Высоцкага.
Падрабязна пра гэта раскажам у адным з бліжэйшых нумароў «Нарачанскай зары».