На свята Пакрова (фота)

У царкве Святой Жываначальнай Тройцы Мядзела 13 кастрычніка было адслужана святочнае вячэрняе богаслужэнне свята Пакрова Прасвятой Багародзіцы.

Пасля заканчэння службы з вершамі і песнямі выступілі выхаванцы нядзельнай школы прыходу храма. Спевакі кліраса царквы таксама выканалі некалькі твораў, прысвечаных Маці Божай. Прагучалі таксама віншаванні да Дня маці для ўсіх прыхажанак храма.

А. Малько, кіраўнік нядзельнай школы.