Мітынг памяці адбыўся на хутары Бароўка

У Беларусі сёння аддаюць даніну памяці жыхарам вёскі Хатынь, спаленай карнікамі 22 сакавіка 1943 года. Успамінаюць і тысячы іншых беларускіх вёсак, знішчаных нямецка-фашысцкімі захопнікамі ў гады Вялікай Айчыннай вайны.

На Мядзельшчыне мітынг памяці адбыўся ўвечары на хутары Бароўка, які ў гэтым жа 1943 годзе быў спалены карнікамі разам з жыхарамі. Ля помніка ахвярам фашызму сабраліся прадстаўнікі кіраўніцтва раёна, грамадскіх арганізацый, працоўных калектываў райцэнтра і Сваткаўскага сельсавета.

Гучалі словы смутку і памяці ад намесніка старшыні райвыканкама Іны Барыевай, ветэрана Вялікай Айчыннай вайны Міхаіла Гардона, старшыні Сваткаўскага сельвыканкама Наталлі Калбун.

Хвілінай маўчання людзі ўшанавалі памяць бязвінных ахвяр. Да помніка ўсклалі вянкі і жывыя кветкі.

Падрабязна пра гэта чытайце ў адным з бліжэйшых нумароў "Нарачанскай зары"