У НЯДЗЕЛЮ, 19 студзеня, праваслаўныя вернікі адзначылі адно з самых вялікіх у царкоўным календары свят — Вадохрышча. У гэты дзень успамінаюць хрышчэнне Іаанам у рацэ Іардан самога Ісуса Хрыста, просяць у Бога вылячэння і дапамогі. Лічыцца, што ў хрышчэнскую ноч вада набывае цудоўныя ўласцівасці і становіцца гаючай. А той, хто на Вадохрышча выкупаецца ў палонцы, будзе ўвесь год здаровым.
Не змянілі гэтай традыцыі многія жыхары і госці Мядзельшчыны. Як і ў мінулыя гады, акунанне праходзіла на рэчцы Скема, дзе была абсталявана купель.