Паважаныя сябры! Дарагiя землякi!
Прымiце мае самыя сардэчныя вiншаваннi з нагоды цудоўнай падзеi — 80-годдзя з дня заснавання Мядзельскага раёна!
Дарога працягласцю 80 год, калi на карце з’явiўся Мядзельскі раён, была непростай, часам трагiчнай. Кiдаючы позiрк у далекi 1940-вы, перагарнуўшы старонку гэтай гiсторыi, разумееш сапраўды тытанічныя намаганнi нашых дзядоў i бацькоў па адраджэнні роднай зямлi.
Жыхароў мядзельскай зямлi на працягу ўсей многавекавой гiсторыi адрознівалі высокi патрыятызм, вера ў свае сiлы, працавітасць, любоў да роднай зямлi. I ў гэты святочны дзень мае самыя шчырыя словы падзякi ветэранам Вялiкай Айчыннай вайны i працы — тым, хто здабыў нам мiрны светлы дзень i хто аднавіў нашу зямлю з пасляваеннай разрухi і попелу.
Патэнцыял Мядзельскага раёна — велiзарны. I кожны з нас на сваiм рабочым месцы абавязаны яго рэалiзоўваць у поўнай меры, падымаць эканомiку на больш высокi ўзровень.
Ад усяго сэрца вiншую вас, хто любiць сваю зямлю і даражыць ею, хто прыкладае свае веды i талент, сэрца i рукi да далейшага росквiту Мядзельскай зямлi i ўсёй Беларусi!
Калiна Капуцкая, член Савета Рэспублiкi Нацыянальнага сходу Рэспублікi Беларусь