“Адвага. Годнасць. Гонар”

УРАЧЫСТАЕ мерапрыемства пад такой назвай адбылося ў пятніцу ў раённым Цэнтры культуры.
Прысвечана яно было Дню
абаронцаў Айчыны і Узброеных Сіл Рэспублікі Беларусь.
Прысутных прывітаў старшыня райвыканкама Анатолій Вайнілка. Ён павіншаваў абаронцаў Айчыны — былых, сённяшніх, а таксама тых, хто яшчэ толькі збіраецца служыць у войску. Выказаў асаблівую падзяку за мужнасць і стойкасць ветэранам Вялікай Айчыннай вайны і Узброеных Сіл, воінам-інтэрнацыяналістам. Асобна звярнуўся да родных цяперашніх вайскоўцаў. Потым уручыў узнагароды супрацоўнікам раённага ваеннага камісарыята. Падзяка старшыні райвыканкама аб’яўлена намесніку ваеннага камісара-начальніку мабілізацыйнай групы маёру Віталію Якушаву і вадзіцелю аўтамабіля Генадзю Лісоўскаму.
Добрыя словы адрасаваў абаронцам Айчыны ваенны камісар раёна Алег Радкевіч. За ўзаемадзеянне з райваенкаматам у справе ўвекавечання памяці загінуўшых вайскоўцаў і захавання памяці аб ахвярах войнаў, героіка-патрыятычнага выхавання моладзі Мядзельшчыны Алег Леанідавіч узнагародзіў граматай раённага ваеннага камісарыята маёра запасу Святаслава Гаўрыса і маёра ў адстаўцы Міхаіла Чаркасава. Юбілейныя медалі “100 год Узброеных Сіл Рэспублікі Беларусь” і “100 лет военным комиссариатам” атрымаў палкоўнік у адстаўцы Анатоль Кандрашкін.
Цырымонію ўзнагароджання працягнуў старшыня раённай арганізацыі Беларускага саюза афіцэраў Міхаіл Чаркасаў. Граматы арганізацыі былі ўручаны Анатолію Вайнілку (за асабісты ўнёсак у павышэнне эканамічнай і абароннай магутнасці Радзімы, ваенна-патрыятычнае і маральнае выхаванне моладзі), Алегу Радкевічу (за асабісты ўнёсак у згуртаванне афіцэрскага складу, афіцэраў запасу і ў адстаўцы ў справе павышэння абароннай магутнасці краіны, ваенна-патрыятычнага і маральнага выхавання моладзі), а таксама актывістам названага грамадскага аб’яднання Васілію Аскірку, Пятру Райчонку, Уладзіміру Вайцэхоўскаму, Канстанціну Вяршэню і вядучаму спецыялісту па сацыяльнай абароне і пенсіённым забеспячэнні райваенкамата Людміле Крэміс.
Пра важнасць захавання памяці пра тых, хто не вярнуўся з баёў, гаварыў дырэктар Мядзельскага філіяла мясцовага дабрачыннага культурна-гістарычнага фонду і музея памяці Першай сусветнай вайны “Крокі” Святаслаў Гаўрыс. Ён уручыў ганаровы ордэнскі знак “Памяць Вялікай вайны” Людміле Крэміс.
Удала дапоўніла мерапрыемства
выступленне самадзейных артыстаў раёна.

Наталля ЛІСІЦКАЯ.
Фота Аляксандра Высоцкага.



28 лютага 2019.   Каментарыі: Comments Off.    Размешчана ў Прафесійныя святы

Каментаванне закрыта

Рубрыкі

Надвор'е ў Мядзеле

pogoda.by

Пошук у архіве сайта

Навіны краіны

Фотападарожжа

0-170 на Блакітных азёрах        возера Глубелька возера Мястра

Пабрацімы Мядзела