Крывічанка — сярод трохсот лепшых

Чацвёрты раз у Мінску прайшоў фінальны этап рэспубліканскага лёгкаатлетычнага спартыўна-масавага мерапрыемства «300 талентаў для Каралевы». У манежы Беларускага дзяржаўнага ўніверсітэта фізкультуры сабраліся 300 навучэнцаў другіх-чацвёртых класаў з усёй рэспублікі. Яны сапраўды лепшыя ў лёгкай атлетыцы, бо права паўдзельнічаць у фінале заслужылі ў доўгім і сур’ёзным адборы.

«Нарачанская зара» паведамляла, што па выніках абласнога этапа ў каманду Міншчыны трапіла другакласніца Крывіцкага ВПК дзіцячы сад-сярэдняя школа Лізавета Грышкевіч. Дарэчы, тады яна паказала лепшы вынік сярод усіх удзельнікаў з рэспублікі па бегу на 30 метраў.
Перад фіналам дзяўчынка пабывала на трэніровачным зборы ў Мінску. А ў фінальным этапе ўдзельнікі спаборнічалі ў чатырох відах: эстафетны бег 8 х 50 метраў, бар’ерны спрынт, кіданне мяча з-за галавы і скачкі на скакалцы (трэба было зрабіць 30 скачкоў на час). Тут у прызёры Лізавеце трапіць не атрымалася: канкурэнцыя была вельмі сур’ёзная, але сваю порцыю спартыўнага адрэналіну і яркіх эмоцый дзяўчынка атрымала.
— Фінальны этап стаў не толькі запамінальным мерапрыемствам, але і сапраўдным шоу, — расказаў настаўнік фізічнай культуры і здароўя Крывіцкага ВПК Дзмітрый Дурэйка, які суправаджаў Лізавету. — Святочную атмасферу стваралі героі з казак і мультфільмаў, безліч рознакаляровых паветраных шароў, бліскучае канфеці. Кожны ўдзельнік атрымаў медаль, форму, вялікі навагодні падарунак. А яшчэ дзяўчынкам уручылі па самакаце, хлопчыкам — па скейтбордзе.
Гасцямі свята былі вядомыя беларускія лёгкаатлеты і афіцыйныя асобы. Яны ж уручалі ўзнагароды дзецям. Гэта міністр спорту і турызму Рэспублікі Беларусь Сяргей Кавальчук, дэпутат Палаты прадстаўнікоў Нацыянальнага сходу Рэспублікі Беларусь, старшыня Беларускай федэрацыі лёгкай атлетыкі Вадзім Дзевятоўскі, спартсмены Эльвіра Герман, Максім Недасекаў, Карына Таранда, Станіслаў Дарагакупец.

Аляксандр ВЫСОЦКІ.
На здымку: Лізавета Грышкевіч і Дзмітрый Дурэйка.



18 Студзень 2019.   Каментарыі: Comments Off.    Размешчана ў Спорт

Каментаванне закрыта

Рубрыкі

Надвор'е ў Мядзеле

pogoda.by

Пошук у архіве сайта

Навіны краіны

Апытанне

Што больш за ўсё вам падабаецца адрамантаваннага і новага ў горадзе?

View Results

Loading ... Loading ...

Фотападарожжа

06-012 Нацыянальны санктуарый Маці Божай Будслаўскай Касцёл у Засвіры   wjx6x-f4hhi

Пабрацімы Мядзела