Навіны Мядзельшчыны | "Нарачанская зара" (пасведчанне аб рэгістрацыі №765 ад 4.11.2009)

Навіны Мядзельшчыны

ГУРТОК “Музеезнаўства” Старагабскага вучэбна-педагагічнага комплексу дзіцячы сад-сярэдняя школа вывучае гісторыю адукацыі на Мядзельшчыне. Пад кіраўніцтвам настаўніка вышэйшай катэгорыі Уладзіміра Серадзінскага вучні збіраюць успаміны педагогаў, якія працавалі ў школах раёна ў 1960-1970 гады.

♦ ♦ ♦

У МЯДЗЕЛЬСКІМ музеі народнай славы працуе інтэрактыўная навуковая выстава “Лабараторыя Элементарыум”. Экспануюцца незвычайныя прылады, механізмы, маятнікі, драўляныя галаваломкі ад Мінскага музея навукі “Элемента”. Наведвальнікі могуць правесці разнастайныя доследы і пераканацца, што навука — гэта захапляльна і цікава.

♦ ♦ ♦

У СПАБОРНІЦТВАХ па летнім мнагаборстве “Здароўе” ў групе “А” лепшай прызнана каманда Мядзельскай СШ №1 імя Уладзіміра Дубоўкі, у групе “Б” — Крывіцкага вучэбна-педагагічнага комплексу д/с-СШ. А ў групе “В” перамаглі юныя спартсмены са Слабадской СШ імя Адама Гурыновіча. У спаборніцтвах удзельнічала 12 каманд.

♦ ♦ ♦

Упершыню за апошнія гады ў райцэнтры пройдзе чэмпіянат вобласці па валейболе сярод мужчынскіх каманд. Адбудзецца ён 24-25 лістапада ў фізкультурна-аздараўленчым цэнтры. Пачнецца чэмпіянат гульнямі групавога этапа ў пятніцу з 14 гадзін. Назаўтра паядынкі адновяцца з 10 гадзін раніцы. Запрашаем падтрымаць землякоў!

♦ ♦ ♦

У РАМКАХ адукацыйнага праекта «Гэта стагоддзе з натхнення, гэта стагоддзе са срэбра» ў бібліятэцы Нарацкай СШ №2 працавала літаратурная гасцёўня «Мне нравится, что вы больны не мной…», дзе вучні 10-ых класаў пазнаёміліся з жыццём і творчасцю Марыны Цвятаевай.



22 лiстапада 2017.   Каментарыі: Каментароў няма.    Размешчана ў Навіны

Пакінуць каментарый

Надвор'е ў Мядзеле

pogoda.by

Навіны краіны

Курсы валют

Пошук у архіве сайта

Апытанне

С надыходам цеплыні я...

View Results

Loading ... Loading ...

Фотападарожжа

1-12 Касцёл у Шэметава   84 Царква ў Крывічах

Пабрацімы Мядзела

Cвяты

Праздники Беларуси