Навіны Мядзельшчыны

У ГЭТЫЯ лістападаўскія дні найвышэйшых вытворчых паказчыкаў дабіваецца калектыў жывёлаводаў фермы «Брылі» НП «Нарачанскі». Сярэднясутачны надой малака ад каровы тут складае 18,5 кілаграма, што на 0,76 кілаграма больш за адпаведны мінулагодні паказчык.

♦♦♦

БОЛЬШ за 3 тысячы саджанцаў сасны плануюць пасадзіць работнікі філіяла «ДЭУ-66» РУП «Мінскаўтадар-Цэнтр» уздоўж аўтадарогі Мядзел — Мінск. Актыўную дапамогу ў гэтай справе ім аказваюць прадстаўнікі працоўных калектываў райцэнтра.

♦♦♦

НЯДАЎНА ў НДЦ «Зубраня» адбылася сустрэча адпачываючых з двухразовым сярэбраным прызёрам Алімпійскіх гульняў у Лондане, бронзавым прызёрам Алімпійскіх гульняў у Рыа-дэ-Жанэйра, уладальніцай залатых узнагарод чэмпіянатаў свету і Еўропы, заслужаным майстрам спорту Рэспублікі Беларусь Аляксандрай Герасіменяй.

♦♦♦

У санаторыі «Прыазёрны» праведзена антытытунёвая інфармацыйна-адукацыйная акцыя, падчас якой адпачываючым нагадвалі пра шкоду курэння, дэманстравалі фільмы на адпаведную тэматыку, прапаноўвалі пазбавіцца ад гэтай згубнай звычкі. Урач-рэфлексатэрапеўт першай кваліфікацыйнай катэгорыі Васіль Мартысюк, выкарыстоўваючы спецыяльную методыку, дапамагаў усім, хто жадаў, паспрабаваць пазбавіцца ад тытунезалежнасці.



20 лiстапада 2017.   Каментарыі: Каментароў няма.    Размешчана ў Навіны

Пакінуць каментарый

Рубрыкі

Надвор'е ў Мядзеле

pogoda.by

Пошук у архіве сайта

Навіны краіны

Апытанне

Што больш за ўсё вам падабаецца адрамантаваннага і новага ў горадзе?

View Results

Loading ... Loading ...

Фотападарожжа

Рэчка Нарачанка        img_4257 возера Мястра 223_

Пабрацімы Мядзела