Прыгожае — побач | "Нарачанская зара" (пасведчанне аб рэгістрацыі №765 ад 4.11.2009)

Прыгожае — побач

Члены раённых арганізацый Беларускага грамадскага аб’яднання ветэранаў і Беларускага таварыства інвалідаў па агульных захворваннях цесна супрацоўнічаюць. Яны часта праводзяць сумесныя мерапрыемствы, у тым ліку здзяйсняюць паездкі па славутых мясцінах Беларусі і роднага Нарачанскага краю. Нядаўна 17 чалавек з гэтых грамадскіх арганізацый пабывалі ў турысцка-экскурсійным комплексе “Аптэкарскі сад” ЗАТ “БелАсептыка”.
Сустрэла гасцей Наталля Міхайлаўна Смятаніна. Яна ж правяла экскурсію па ўстанове. Усе былі ў захапленні ад змястоўнага расказу спецыяліста пра лекавыя і экзатычныя травы, дрэвы, кустоўі, якія растуць у “Аптэкарскім садзе”, любаваліся раслінамі і наваколлем. Дарэчы, аповед пра ўбачанае падмацоўваўся легендамі, што рабіла экскурсію вельмі цікавай і запамінальнай. Многія фатаграфаваліся на добрую памяць аб гэтых дзівосных, чароўных мясцінах. Адбылася і традыцыйная дэгустацыя розных відаў духмянага чаю, прыгатаванага з лекавых траў. Акрамя таго, удзельнікі экскурсіі змаглі набыць сабе сарты чаю, якія найбольш спадабаліся, а таксама натуральную касметыку з прыродных матэрыялаў.
Перапоўненыя яркімі ўражаннямі вярталіся назад. На зваротнай дарозе многія расказвалі, што ім больш за ўсё спадабалася падчас экскурсіі, успаміналі, ад чаго атрымалі незабыўнае задавальненне і, вядома, абяцалі паведаміць пра гэты райскі куточак Нарачанскага краю сваім сябрам, знаёмым, каб яны абавязкова там пабывалі. Усе ўдзельнікі экскурсіі шчыра дзякавалі за цікавае баўленне вольнага часу на прыродзе кіраўніцтву, адміністрацыі турысцка-экскурсійнага комплексу “Аптэкарскі сад”, экскурсаводу, а таксама арганізатарам паездкі.

В. ТУНКЕВІЧ.
Адказны сакратар раённай арганізацыі Беларускага грамадскага аб’яднання ветэранаў.



23 чэрвеня 2017.   Каментарыі: Каментароў няма.    Размешчана ў Грамадства

Пакінуць каментарый

Надвор'е ў Мядзеле

pogoda.by

Навіны краіны

Курсы валют

Пошук у архіве сайта

Апытанне

С надыходам цеплыні я...

View Results

Loading ... Loading ...

Фотападарожжа

Касцёл у Засвіры   Касцёл у Шэметава   _06-040 возера Глубелька

Пабрацімы Мядзела

Cвяты

Праздники Беларуси